Azərbaycan Dillər Universitetinin (ADU) rektoru, Milli Məclisin deputatı, professor Səməd Seyidova Fransanın Fəxri Legion Ordeni verilmişdir.
ADU-dan bildirmişlər ki, bu münasibətlə Fransa səfirliyində təqdimat mərasimi keçirilmişdir.
Fransanın ölkəmizdəki səfiri Qabriel Keller ordeni S.Seyidova təqdim edərək Azərbaycan ilə Fransa arasında əlaqələrin inkişafında onun rolu olduğunu vurğulamışdır.
S.Seyidov Fransanın yüksək dövlət mükafatını almasından məmnunluğunu bildirmiş, səfirə təşəkkür etmişdir.
Tədbirdə dövlət nümayəndələri, Milli Məclisin deputatları, ali təhsil müəssisələrinin rektorları iştirak etmişlər.

AzərTAc