Türkiyədəki universitetlərdə 147 ölkədən 26 mindən çox xarici vətəndaş təhsil alır. APA-nın Türkiyə mətbuatına istinadən verdiyi məlumata görə, bu ölkədə ən çox xarici tələbə Azərbaycandan olanlardır.
Tələbə Seçmə və Yerləşdirmə Mərkəzinin açıqladığı statistik məlumatlara əsasən, Türkiyədəki universitetlərdə Azərbaycan vətəndaşı olan 3540 tələbə təhsil alır. Tələbələrin sayına görə sonrakı yerləri Şimali Kipr Türk Cümhuriyyəti (3 503), Türkmənistan (2 929), İran (1 305), Bolqarıstan (1 143), Almaniya (1 143), Yunanıstan (1 099) və digər ölkələr tutur.
Ümumilikdə, son 5 ildə Türkiyədəki əcnəbi tələbələrin sayı 59 faiz artmışdır.