Sentyabrın 27-də Azərbaycan Diplomatik Akademiyasının (ADA) Kitab Mərkəzində "Argentina günü" keçirilmişdir. 
Tədbir Azərbaycan Respublikasının dövlət müstəqilliyinin bərpasının 20-ci ildönümü ilə bağlı ölkəmizdə səfərdə olan Argentina parlamentinin üzvlərindən ibarət nümayəndə heyətinin şərəfinə təşkil olunmuşdur. Tədbirdə ADA-nın "Beynəlxalq münasibətlər və diplomatiya üzrə" Magistr Proqramında təhsil almaq hüququ qazanmış argentinalı Tomas Qerbasio ölkəsinin müstəqillik uğrunda mübarizəsi, iqtisadiyyatının əsas istiqamətləri və milli mətbəxi barədə təqdimatla çıxış etmişdir.
Xatırladaq ki, ADA-da təhsil alan əcnəbi tələbələrin öz ölkələri barədə təqdimatları mütəmadi hal almışdır.