BDU –nun Mətbuat və informasiya şöbəsindən verilən xəbərə görə “NETTY2018” Azərbaycanın milli internet mükafatının 14-cü mükafatlandırma mərasimi baş tutub. Bakı Dövlət Universitetinin Fizika fakültəsinin rəsmi internet səhifəsi  (http://physics.bsu.edu.az) “Elm və təhsil” nominasiyasi üzrə ilk onluqda yer alıb.

NETTY Mükafatının qalibləri xüsusi yaradılan Ekspertlər Şurası tərəfindən seçilir. Bu il təsis olunmuş Ekspertlər Şurasının 1000-dən yuxarı üzvü olub. 15-22 may 2018-ci il tarixləri arasında mükafatın nominantlar siyahısını formalaşdıran Ekspert Şurası və Virtual münsiflər heyətinin səsverməsi həyata keçirilib. Ekspert Şurası və Virtual münsiflər heyəti  hər nominasiyada 10 nominant və onlardan da  ilk üç nominantı seçərək mukafatlandırıb.

Azərbaycan milli internet mükafatı olan NETTY 2004-cü ildə təsis edilib. Ümumdünya şəbəkəsinin milli seqmenti və İKT bazarının inkişafı məqsədilə yaradılmış NETTY informasiya texnologiyaları sahəsində Azərbaycanın ilk peşəkar mükafatıdır. NETTY Azərbaycanın ən yaxşı internet layihələri və informasiya texnologiyaları sahəsində çalışan peşəkarları aşkar edərək onları mükafatlandırır.

İsaq Əmənullayev
“Xalq qəzeti”