Azərbaycan Turizm və Menecment Universitetində 2017--2018 – ci tədris ilinin yekunlarına əsasən ali təhsillərini bitirmək üçün tələb olunan kreditləri toplayan bakalavrların Buraxılış Yekun Dövlət Attestasiya imtahanına start verilib.

 Universitetin biznes idarəçiliyi fakültəsində başlayan Buraxılış Yekun Dövlət Attestasiya imtahanın açılışında maliyyə, menecment və  marketinq ixtisasları üzrə sədr təyin olunmuş Azərbaycan Dövlət İqtisad Universitetinin Sosial sferanın iqtisadiyyatı və idarə olunması kafedrasının müdiri, iqtisad elmləri doktoru, professor Əli Əlirzayev  tələbələrə uğurlar diləyib.

 ATMU-nun rektoru İlham Mədətov ali təhsil müəssisəsinin bakalavr pilləsini bitirən tələbələrə dörd illik təhsil nəticəsinin qənaətbəxş  olacağına əminliyini  bildirib.

Z. BƏŞİRQIZI,
“Xalq qəzeti”