BDU Mətbuat və informasiya şöbəsindən verilən xəbərə görə, Karyera, Praktika və Məzunlarla Əlaqə Mərkəzinin təşəbbüsü ilə Azərbaycan Respublikasının Əmlak Məsələləri Dövlət Komitəsinin nümayəndələri Ekologiya və torpaqşünaslıq, Hüquq, Beynəlxalq münasibətlər və iqtisadiyyat fakültələrinin IV kurs tələbələri ilə görüşüblər. Görüşdə Komitənin İnsan resurslarının idarə edilməsi və Dövlət qulluğu şöbəsinin müdiri Nuranə Nəzərova, şöbənin müdir müavini Hüsaməddin Əlizadə və  məsləhətçisi Şəmistan Şəmistanzadə tələbələrə Azərbaycan Respublikasının Əmlak Məsələləri Dövlət Komitəsinin idarələri və şöbələri haqqında məlumat verib, işə qəbulla bağlı prosedur qaydalardan danışıb, tələbələri maraqlandıran sualları cavablandırıblar.

                                                                             İsaq Əmənullayev
“Xalq qəzeti”