Bir neçə gündür ki, Azərbaycan Turizm və Menecment Universitetinin  4 tələbəsi - Firuz Məcidzadə, Ərəş Paşayev, Məhəmməd İbrahimli və Murad Bilalov Çin Xalq Respublikasındadırlar.

Universitetin tələbələri Çin Xalq Respublikasının Hubei Politexnik İnstitutu nəzdində fəaliyyət göstərən Hubei Peşə Texniki Kolleci və ATMU arasında bağlanan "Beynəlxalq otellərin idarəetməsi üzrə birgə sertifikasiya proqramı" çərçivəsində adıçəkilən ölkədə 5 aylıq istehsalat təcrübəsini uğurla davam etdirirlər.

ATMU-nun mətbuat xidmətinin məlumatında bildirilir ki, peşəkarlıq vərdişlərinin qazanılmasını şərtləndirən  5 aylıq istehsalat təcrübəsində tələbələr mühitə adaptasiya məqsədi ilə adıçəkilən institutda bir sıra dərs və dərsdənkənar məşğələlərin dinləyicisi və Hubei TV-nin qonaği olublar. Çin dili, kalliqrafiya və kunq fu dərslərində iştirak edib,könüllü qanvermə aksiyasına qoşulublar.

Z. BƏŞİRQIZI,
“Xalq qəzeti”