AMEA-nın İdarəetmə Sistemləri İnstitutunun şöbə müdiri, akademik Asəf Hacıyev Çinin Honkonq Şəhər Universitetində ezamiyyətdə olub. Alim universitetin elmi seminarında "Mürəkkəb stoxastik texniki sistemlərdə idarəetmə və optimallaşdırma məsələləri və onların tətbiqi” mövzusunda çıxış edib, bu sahədə aldığı son elmi nəticələri və onların tətbiqi haqqında məlumat verib. 

www.science.gov.az saytı yazir ki, akademik A.Hacıyev, həmçinin burada ABŞ-ın Corc Vaşinqton Universitetinin professoru Nozer Sinqpurval və Yaponiyanın Hiroşima Universitetinin professoru Masaki Kijima ilə ehtimal nəzəriyyəsinin aktual problemlərini müzakirə edib, birgə elmi araşdırmalar aparmaq barədə razılığa gəliblər.

Əlipənah BAYRAMOV,
“Xalq qəzeti”