BANM-dan aldığımız məlumata görə, görüş zamanı rektor Elmar Qasımov BANM-ın fəaliyyəti, təlim-tədris proqramları, son uğurları və yenilikləri haqqında qonaqlara məlumat verib. Elmar Qasımov Qazaxıstan-Britaniya Texniki Universitetilə BANM arasında yaranan dostluq və əməkdaşlıqdan məmnunluğunu bildirib.

Görüş zamanı iki universitet arasında tələbə və müəllim mübadilə proqramları, tədqiqat layihələrində, konfranslarda, birgə akademik proqramlarda, təlimlərdə iştirak, tədqiqatçıların və tələbələrin mübadiləsi kimi məsələlər müzakirə olunaraq razılıq əldə olunub.

Daha sonra BANM-ın rektoru Elmar Qasımov və Qazaxıstan-Britaniya Texniki Universitetinin rektoru Kenzebek İbraşev əməkdaşlıq haqqında razılığa dair Anlaşma Memorandumunu imzalayıblar.

Qonaqlar Ali Məktəbin rəhbərliyinə təşəkkür edib və əməkdaşlığın uğurlu olacağına əmin olduqlarını bildiriblər.