Milli Kitabxanada  Azərbaycan Respublikası Mədəniyyət və Turizm Nazirliyinin və Azərbaycan Milli Kitabxanasının birgə təşkilatçılığı ilə  Salyan, Neftçala, Göyçay, Ağdaş Mərkəzi Kitabxanalarının əməkdaşları üçün ALİSA  Elektron  Kitabxana Sisteminin  və İnnovasiyaların kitabxanalara tətbiqi mövzusunda keçiriləcən treninqin açılışı olmuşdur.

Treninqi Milli Kitabxananın direktoru, professor Kərim Tahirov açmışdır.  Direktor ALİSA  Elektron  Kitabxana Sisteminin  və İnnovasiyaların kitabxanalara tətbiqi mövzusunda təşkil olunacaq treninqin zəruri olduğunu qeyd etmiş, bu barədə tövsiyələrini vermişdir.

Tədbir Milli Kitabxananın Treninq mərkəzində keçirilir. Treninqdə  Ağdaş rayon Mərkəzi Kitabxanası, Göyçay rayon Mərkəzi Kitabxanası, Salyan rayon Mərkəzi Kitabxanası, Neftçala rayon Mərkəzi Kitabxanası

əməkdaşları iştirak edirlər. Bu treninqlər mədəniyyət və turizm naziri Əbülfəs Qarayevin yerlərdə mədəniyyət işçiləri üçün mütəmadi keçirdiyi qəbullar zamanı kitabxana işçilərinin  nazirə müraciətləri əsasında təşkil edilmişdir.

M.MÜKƏRRƏMOĞLU,
“Xalq qəzeti”