Avropa İnvestisiya Bankı (AİB) Azərbaycan qazının Türkiyəyə və oradan da Avropaya nəql etmək üçün inşa olunan Trans-Anadolu Boru Kəmərinin (TANAP) inşasının maliyyələşdirilməsinə 932 milyon avro (1,15 milyard dollar) məbləğində kredit ayrılmasını təsdiqləyib. Bu barədə “Reuters” agentliyi məlumat verib.

Xatırladaq ki, ümumi dəyəri 40 milyard avro olan Cənub  Qaz Dəhlizinin bir hissəsi olan TANAP layihəsi Azərbaycanda hasil olunan təbii qazın Gürcüstandan keçərək Türkiyə ərazisi ilə Avropaya nəql edilməsini nəzərdə tutur. Bu layihə Azərbaycan, Türkiyə və Avropa üçün böyük önəm daşıyır. TANAP layihəsi “Şahdəniz” yatağının işlənilməsinin 2-ci mərhələsinin əsas elementlərindən biridir. “Şahdəniz-2” layihəsi çərçivəsində Azərbaycandan ildə 16 milyard kubmetr qaz Türkiyəyə nəql olunacaq, bunun 6 milyard kubmetri qardaş ölkənin istifadəsinə veriləcək, 10 milyard kubmetri hissəsi isə Avropaya ixrac ediləcək.

V.Bayramov,
“Xalq qəzeti”