İqtisadiyyat Nazirliyinin mətbuat xidmətinin məlumatında deyilir ki, Azərbaycan-İran iqtisadi əlaqələri getdikcə inkişaf edir. İki ölkə arasında ticarət dövriyyəsi 2017-ci ildə 16 faiz artıb. Azərbaycan və İran investisiya qoyuluşu sahəsində də əməkdaşlıq edir, Azərbaycanda İran şirkətləri uğurla fəaliyyət göstərir.

Hər iki ölkə “Şimal-Cənub” nəqliyyat dəhlizi, Neftçala Sənaye Zonasında birgə avtomobil istehsalı zavodu, Pirallahı Sənaye Parkında birgə əczaçılıq zavodu və s. kimi layihələr çərçivəsində də əməkdaşlıq edir. İranın tibb sahəsində ixtisaslaşmış bir sıra ali təhsil müəssisələrinin rəhbərləri Azərbaycanda səfərdə olub, Azərbaycanın Tibb Universiteti ilə Təbriz Tibb Universiteti arasında memorandum imzalanıb.

Vaqif BAYRAMOV,
“Xalq qəzeti”