“Azəriqaz” İstehsalat Birliyinin (İB) yaydığı məlumatda bildirilir ki, ötən il ölkədə 56 yaşayış məntəqəsi qazlaşdırılıb. Bunun nəticəsində 23 min 498 abonent təbii qazla təmin edilib.

Bu il yanvarın 1-nə olan məlumata görə, "Azəriqaz" İB üzrə əhali abunəçilərinin sayı 2 milyon 69 min nəfər, ümumi abonentlərin sayı isə 2 milyon 98 min nəfər olub.

Ötən il, həmçinin ölkə üzrə bütün abonentlər qaz sayğacı ilə təmin edilib, istismar müddəti bitən və istismara yararsız olan 22 min 872 ədəd qaz sayğacı yenisi ilə əvəz edilib.

Vaqif BAYRAMOV,

“Xalq qəzeti”