Azərbaycanın qiymətli kağızlar bazarında 19-23 fevral tarixlərində SOCAR istiqrazları üzrə 1,65 milyon dollarlıq əməliyyat aparılıb. İstiqrazların marketmeykeri "PSG Kapital" şirkətinin məlumatına görə, ötən həftə təkrar bazarda 1 644 istiqraz alınıb-satılıb. Satılan istiqrazların böyük hissəsi fiziki şəxslər tərəfindən alınıb. İstiqrazların orta qiyməti 1 005,05 dollar olub.

2018-ci ildə SOCAR istiqrazları ilə 11,9 milyon dollarlıq əməliyyat aparılıb. Dövriyyəyə buraxıldıqdan indiyədək SOCAR istiqrazları ilə aparılan əməliyyatların həcmi 134,6 milyon dollar təşkil edir.

Xatırladaq ki, SOCAR-ın daxili bazar üçün nəzərdə tutulan bu istiqrazları 2016-cı ilin oktyabrında buraxılıb. İstiqrazların nominal qiyməti 1000 dollar, illik gəlirliyi 5 faizdir. İstiqazları istənilən vaxt əldə etmək və ya satıb nağd pula çevirmək mümkündür.

Vaqif BAYRAMOV,
“Xalq qəzeti”