Dövlət Statistika Komitəsinin məlumatında bildirilir ki, 2018-ci ilin yanvar ayında xarici müəssisə və təşkilatlar tərəfindən Azərbaycan iqtisadiyyatına 459,8 milyon manat vəsait yönəldilmişdir.

Xarici ölkələr və beynəlxalq təşkilatların vəsaitləri hesabına əsas kapitala yönəldilmiş vəsaitin 408,7 milyon manatı (88,9 faizi) Birləşmiş Krallıq, Türkiyə, Malayziya, İsveçrə, Rusiya, İran, Yaponiya, ABŞ, Norveç sərmayədarlarına məxsus olmuşdur.

Tikinti müəssisələri tərəfindən yerinə yetirilmiş inşaat işlərinin 61 faizini tikinti, yenidənqurma və genişləndirmə, 10,4 faizini əsaslı təmir, 8,5 faizini cari təmir, 20,1 faizini isə sair tikinti işləri təşkil etmişdir. Ümumi inşaat işlərinin 83,2 faizini qeyri-dövlət tikinti müəssisələri yerinə yetirmişlər.

Vaqif BAYRAMOV,
“Xalq qəzeti”