Azərbaycanda ardıcıl şəkildə həyata keçirilən köklü iqtisadi islahatlar nəticəsində qeyri-neft sektorunun istehsal həcmi durmadan artır. Sevindirici haldır ki, bu məhsullar daxili bazarı təmin etməklə bərabər, həm də xaricə ixrac olunur.

İqtisadiyyat Nazirliyinin mətbuat xidmətinin məlumatında, həmçinin göstərilir ki, qeyri-neft ixracı sahəsində qida məhsullarının payı 40 faizdən çox, təxminən 650 milyon dollar civarındadır. Azərbaycanın qida məhsulları təkcə MDB ölkələrinin bazarlarına deyil, yeni bazarlara, o cümlədən Şərqi Asiya, Avropa İttifaqı və Körfəz ölkələrinə, Çinə, Afrika qitəsinə də ixrac olunur. 2017-ci ildə Azərbaycandan xaricə 1 milyard 540 milyon manatlıq qeyri-neft məhsulları ixrac edilib.

Əlipənah BAYRAMOV,

“Xalq qəzeti”