İnvestisiya qoyuluşunun təşviqi məqsədilə indiyədək 220 sahibkarlıq subyektinə 244 investisiya təşviqi sənədi verilib və bu layihələr nəticəsində yerli istehsala 2 milyard manatdan artıq investisiya yatırılacaq, 16 mindən çox yeni iş yeri açılacaq. Layihələrin 87 faizi regionların payına düşür. Maarifləndirmə məqsədilə regionlarda 5300-dək sahibkarın iştirakı ilə 36 işgüzar forum, 87 treninq keçirilib və 588 məsləhət xidməti göstərilib.

İqtisadiyyat Nazirliyinin mətbuat xidmətinin yaydığı məlumatda  vurğulanır ki, Kiçik və Orta Sahibkarlığın İnkişafı Agentliyi və bu çərçivədə iri rayon və şəhərlərdə yaradılacaq “Kiçik və orta sahibkarlıq evləri” sahibkarlığın rolunu və rəqabət qabiliyyətini daha da artıracaq, dövlət xidmətlərinə vahid məkan prinsipi əsasında çıxışı təmin edəcək.

Vaqif BAYRAMOV,

“Xalq qəzeti”