“Regionların inkişafında sahibkarlığın rolu" mövzusunda keçirilən konfransda bildirilib ki, ölkədə sahibkarlığın inkişafı istiqamətində reallaşdırılan kompleks və sistemli tədbirlər, bu sahəyə dövlət dəstəyinin gücləndirilməsi özəl bölmənin inkişafını sürətləndirib, iri şəhərlərlə yanaşı, regionlarda da sahibkarlığın inkişafına əlverişli şərait yaradıb. Bütün bunların nəticəsində sahibkarlıq iqtisadiyyatın aparıcı qüvvəsinə çevrilib.

Qeyd edilib ki, dövlət-sahibkar münasibətlərinin formalaşdırılması, biznes mühitinə dair qanunvericiliyin və inzibati prosedurların təkmilləşdirilməsi, sahibkarların maarifləndirilməsi və onların işgüzar əlaqələrinin inkişafı istiqamətində həyata keçirilən tədbirlər nəticəsində ölkə iqtisadiyyatında özəl sektorun payı 83 faiz təşkil edir. Məşğul əhalinin isə 75 faizi bu sektorda cəmləşib.

Vaqif BAYRAMOV,

“Xalq qəzeti”