Azpetrol Ltd. MMC-nin məlumatına əsasən ABŞ-dakı neft quyularının sayı get-gedə azalır. “Baker Hughes” şirkətindən bildiriblər ki, ABŞ-da aktiv neft quyularının sayı 5 ədəd azalaraq 742 ədədə enib. Son məlumatlara əsasən ölkədəki aktiv neft quyularının sayı ardıcıl yenidən azalmağa başlayıb. Keçən  ilin eyni dövründə isə ABŞ-da 529 neft quyusu fəaliyyətdə olub.

Son vaxtlar  ölkədəki aktiv qaz quyularının sayı isə dəyişməyərək 182 ədəd olub. Beləliklə, ABŞ-dakı aktiv neft-qaz quyularının sayı ötən həftə 5 ədəd azalaraq ümumilikdə 924 ədəd təşkil edib.

Məlum olduğu kimi orada aktiv neft quyularının sayı 1981-ci ildə ölkə tarixində maksimuma, yəni 4 min 530-a çatırdı. Neftin qiymətinin ucuzlaşması fonunda ABŞ-da aktiv neft quyularının sayı ötən ilin may ayında isə minimuma - 316-ya enmişdi.