Azərbaycanın Polşadakı səfirliyindən bildirmişlər ki, səfir Həsən Həsənov bu ölkənin Torun şəhərində keçirilmiş XVIII Beynəlxalq İqtisadi Forumda çıxış etmişdir.
18 ildir ki, hər il təşkil edilən Torun Beynəlxalq İqtisadi Forumunda müxtəlif sahələr üzrə geniş müzakirələr aparılır.
Forum çərçivəsində keçirilmiş "Şərq tərəfdaşlığının gələcəyi" mövzusuna dair konfransda çıxış edən Azərbaycan diplomatı ölkəmizin Avropa İttifaqı (Aİ), onun müvafiq strukturları və Aİ-yə üzv olan dövlətlərlə sıx əməkdaşlıq etdiyini vurğulamışdır.
H.Həsənov Azərbaycan qanunlarının Avropa standartlarına uyğunlaşdırılması üçün müvafiq Avropa strukturları, o cümlədən Venesiya komissiyası ilə uğurlu əməkdaşlığın aparıldığını demiş, ölkəmizin öz nefti və qazı ilə Avropanın enerji təhlükəsizliyinə töhfə verdiyini bildirmişdir.
Ermənistan-Azərbaycan, Dağlıq Qarabağ məsələsinə toxunan səfir Ermənistanın Azərbaycan torpaqlarını hələ də işğal altında saxladığını və danışıqlar prosesində qeyri-konstruktiv mövqe tutduğunu, bu münaqişənin bütün Avropanın təhlükəsizliyinə hədə olduğunu forum iştirakçılarının diqqətinə çatdırmışdır.{nl}

AzərTAc