“2018-ci ilin sonunda Azərbaycan Respublikası Dövlət Neft Fondunun (ARDNF) aktivlərinin ÜMD-in təxminən 60 faizinə bərabər olacağı proqnozlaşdırılır”. 

“APA-Economics” xəbər verir ki, bu barədə “Standard&Poor’s” beynəlxalq reytinq agentliyinin Azərbaycanın suveren kredit reytinqi ilə bağlı yaydığı məlumatda qeyd olunub.

Məlumatda göstərilib ki, ötən il büdcə defisiti ÜDM-in 1,5 faizini təşkil edib. Bu nəticəyə, həmçinin Dövlət Neft Fondundan Azərbaycan Mərkəzi Bankına xarici valyuta ehtiyatlarının artırılması üçün edilən birdəfəlik transfertlər də daxildir. Transfertlər hesaba alınmasa, büdcə profisitlə icra olunub. 2021-ci ilə qədər dövlət büdcəsi profisitinin ÜDM-in 1 faizinə bərabər olacağı proqnozlaşdırılır. Azərbaycan, həmçinin “Azəri”, “Çıraq” və dərinsulu “Günəşli” üzrə dəyişdirilmiş və yenidən işlənmiş hasilatın pay bölgüsü sazişi üzrə illik ödənişlərdən də gəlir əldə edəcək.