Dövlət Statistika Komitəsindən bildiriblər ki, ötən iki gündə pambıq qəbulu məntəqələrinə 77 ton məhsul təhvil verilib.

Xatırladaq ki, ölkədə pambıq istehsalı üzrə ən yüksək nəticə 1981-ci ildə əldə olunmuş, 1 milyon tondan çox pambıq yığılmışdı. Sonradan bu sahəyə diqqətin zəifləməsi pambıqçılıqda tənəzzülün yaranmasına gətirib çıxardı. Hazırda qeyri-neft sektorunun inkişaf etdirilməsi ilə bağlı görülən tədbirlər çərçivəsində ənənəvi kənd təsərrüfatı sahələrinin, o cümlədən pambıqçılığın inkişafı ön plana keçib. Əgər ötən mövsüm qəbul məntəqələrinə 89 min ton pambıq təhvil verilmişdisə, builki göstərici ondan 118 min ton çoxdur.

AZƏRTAC pambıq tədarükünə dair yanvarın 8-nə olan operativ məlumatı təqdim edir.