Azərbaycan Respublikasının Dövlət Neft Fondu (ARDNF) Beynəlxalq Maliyyə Korporasiyası (BMK), Holland Təqaüd Fondunun meneceri "PGGM", Koreya İnvestisiya Korporasiyası və Səudiyyə Ərəbistanı Fondu ilə birgə yeni yaradılmış Beynəlxalq Maliyyə Korporasiyasının Afrika, Latın Amerikası və Karib Fonduna sərmayə yatıracaqdır.
ARDNF-in mətbuat xidmətindən bildirmişlər ki, BMK-nın Afrika, Latın Amerikası və Karib Fondunda 1 milyard ABŞ dolları məbləğində vəsaitin toplanması nəzərdə tutulur. Bu vəsait BMK-nın Aktivlərin İdarəedilməsi Şirkəti tərəfindən idarə olunacaqdır. Bu isə öz növbəsində ilk dəfə olaraq BMK ilə birgə suveren və təqaüd fondları kimi investorlara özəl səhm şəklində sərmayə yatırmaqla inkişaf edən ölkə bazarlarında imkanların artırılmasına şərait yaradacaqdır.
İlkin tranşda fond 600 milyon ABŞ dolları məbləğində vəsaiti idarə edəcəkdir. Bu vəsaitin 100 milyon dollarının ARDNF tərəfindən ayrılması nəzərdə tutulur.
Qurumun icraçı direktoru Şahmar Mövsümov bu məlumatla bağlı bildirmişdir: "Bu investisiya yatırımı ARDNF-in Azərbaycan sərvətlərinin qorunması və artırılmasına yönəldilmiş uzunmüddətli strategiyasının qurulmasında mühüm mərhələdir. Bu, bizim digər mühüm suveren fondlar və beynəlxalq maliyyə qurumları ilə ilk əməkdaşlığımızdır".{nl}

AzərTAc