Mərkəzi Bank Azərbaycan Respublikasının dövlət müstəqilliyinin bərpa edilməsinin 20-ci ildönümü ilə əlaqədar qızıl xatirə sikkəsi buraxacaqdır. Sikkənin buraxılması dövlətimizin başçısının "Azərbaycan Respublikasının dövlət müstəqilliyinin bərpasının iyirminci ildönümü haqqında" sərəncamına əsasən həyata keçiriləcəkdir.
Xatirə sikkəsinin dizaynının yaradılması məqsədilə Mərkəzi Bank martın 10-dək ölkədaxili müsabiqə keçirəcəkdir. Qalibə 2 min manat pul mükafatı veriləcəkdir. Təqdim olunacaq eskizlərin qiymətləndirilməsi və qalibin müəyyən edilməsi münsiflər heyəti tərəfindən aparılacaqdır. Qızıl xatirə sikkəsi qalib gəlmiş eskiz əsasında hazırlanacaqdır.
Müsabiqənin elanı Mərkəzi Bankın internet səhifəsində (www.cbar.az) yerləşdirilmişdir.