Cari il yanvarın 1-nə Azərbaycan iqtisadiyyatına cəmi kredit qoyuluşları 9 milyard 163,4 milyon manat təşkil etmişdir. Bu göstərici ötən ilin müvafiq dövrü ilə müqayisədə 9 faiz artmışdır. Kredit qoyuluşlarının 492,9 milyon manatı vaxtı keçmiş kreditlərin payına düşmüşdür.
Mərkəzi Bankın mətbuat xidmətindən bildirmişlər ki, kreditlərin 2 milyard 567,1 milyon manatı qısamüddətli, 6 milyard 596,3 milyon manatı isə uzunmüddətlidir. Dövlət bankı tərəfindən iqtisadiyyata 3 milyard 901,9 milyon manat, özəl banklar tərəfindən 5 milyard 69,9 milyon manat, qeyri-bank kredit təşkilatları tərəfindən isə 191,6 milyon manat kredit qoyulmuşdur.
Kreditlərin 64 faizi manatla, 36 faizi xarici valyuta ilə verilmişdir.

AzərTAc