2017-ci ilin yanvar-sentyabr aylarında Bakı şəhərinin iqtisadi və sosial sahələrinin inkişafı üçün bütün maliyyə mənbələrindən əsas kapitala 8 milyard 572,6 milyon manat və ya əvvəlki ilin müvafiq dövrü ilə müqayisədə 3,1 faiz çox vəsait yönəldilib.

Bakı Şəhər Statistika İdarəsindən "APA-Economics"ə verilən məlumata görə, ümumi sərmayənin 17,4 faizi dövlət, 82,6 faizi qeyri-dövlət sektorunun sərmayədarlarının payına düşür.

Əsas kapitala yönəldilmiş vəsaitlərin 68,8 faizi tikinti-quraşdırma işlərinə sərf edilib. 2017-ci ilin yanvar-sentyabr aylarında tikinti müəssisələri tərəfindən yerinə yetirilmiş inşaat işlərinin 70,9 faizini tikinti, yenidənqurma və genişləndirmə, 5,6 faizini əsaslı təmir, 3,7 faizini cari təmir, 19,8 faizini isə sair tikinti işləri təşkil edib. Ümumi inşaat işlərinin 88 faizini qeyri-dövlət tikinti müəssisələri yerinə yetiriblər.