Oktyabrın 28-dək ölkə üzrə pambıq qəbulu məntəqələrinə 139 min 913,74 ton məhsul təhvil verilib. Bu, keçən ilin ümumi göstəricisindən 51 min 317 ton çoxdur. Xatırladaq ki, 2016-cı ildə, ümumilikdə, 88 min 596 ton pambıq yığılmışdı.

Dövlət Statistika Komitəsindən bildiriblər ki, oktyabrın 27-də 3443,40 ton pambıq tədarük olunub.

Qeyd edək ki, ölkə üzrə bu il ötən illə müqayisədə 2,7 dəfə çox – 136 min 413,2 hektar çiyid səpilib. Bu il ən çox pambıq Saatlı, İmişli, Sabirabad, Biləsuvar və Neftçalada əkilib.

AZƏRTAC pambıq tədarükünə dair oktyabrın 28-nə olan operativ məlumatı təqdim edir.