“Azərbaycan Dəmir Yolları” QSC (ADY) vaqon parkının yenilənməsi prosesini davam etdirəcək.

"APA-Economics" "Azərbaycan Respublikasında logistika və ticarətin inkişafına dair Strateji Yol Xəritəsinin icra vəziyyəti"nin yarımillik monitorinq və qiymətləndirmə hesabatına istinadən xəbər verir ki, ADY tərəfindən vaqon parkının yenilənməsi ilə əlaqədar olaraq, 2015-2016-cı illər ərzində 3101 ədəd, o cümlədən 401 ədəd qalı, 1000 ədəd yarımvaqon, 200 ədəd konteynerdaşıyan, 600 ədəd çən vaqonu, 300 ədəd taxıldaşıyan, 100 ədəd xopper-dozator, 400 ədəd universal platforma və 100 ədəd sementdaşıyan vaqon alınaraq respublikaya gətirilib.

Sənəddə daha sonra vurğulanır ki, yaxın gələcəkdə yükdaşımaların artımı ilə əlaqədar əlavə yeni 900 ədəd yük vaqonunun və 200 ədəd konteynerin alınması nəzərdə tutulub.