“Manatın xarici valyutalara nəzərən məzənnəsi valyuta bazarındakı tələb-təklif nisbəti əsasında formalaşır və milli valyutanın məzənnəsinin mövcud sabitliyi bazarın tarazlı olduğunu göstərir”.

Bu barədə “APA-Economics”in sorğusuna cavab olaraq Azərbaycan Mərkəzi Bankından (AMB) bildirilib.

“Tələb və təklif arasındakı nisbətə tədiyə balansının vəziyyəti təsir göstərir. Təbii ki, dünya bazarında neftin qiymətlərinin artmasının Azərbaycanın tədiyyə balansına birbaşa və dolayı müsbət təsirləri vardır. Bu təsirlər müxtəlif dövrlərdə əsasən orta və uzunmüddətli dövrdə özünü büruzə verir. Lakin neft qiymətləri tədiyə balansına və beləliklə valyuta bazarına təsir edən yeganə amil deyil. İndiyədək olduğu kimi bundan sonra da manatın məzənnəsinin dinamikası valyuta bazarına təsir göstərən bütün amillərin kompleks təsiri ilə formalaşacaqdır”, - deyə açıqlamada vurğulanıb.