Azərbaycan Respublikası Dövlət Neft Şirkətinin Xəzər Dəniz Neft Donanmasına (XDND) məxsus gəmilərin beynəlxalq konvensiyanın tələblərinə uyğun təmir olunmasına daim diqqət göstərilir. Donanmanın 72 gəmisi təmir edilərək istismara buraxılmışdır.
Xəzər dənizində kəşfiyyat, dalğıc və təchizat işlərini yerinə yetirən XDND-nin gəmi təmiri zavodunda ötən ildə 17 milyon manatlıqdan çox təmir işi görülmüşdür. Bu da əvvəlki illərlə müqayisədə xeyli çoxdur. Donanmanın "Aura", "Nefteqaz", "Om", "Ehram Xalıqov" və s. böyük gəmiləri beynəlxalq konvensiyanın tələblərinə uyğun təmir edilmiş, Xəzər dənizinin neft sektorunda əməliyyatları həyata keçirmək üçün istiqamətləndirilmişdir. Hazırda donanmanın "Azərbaycan" və "Om" gəmiləri Türkmənistanda müqavilə şərtlərinə əsasən irihəcmli layihəyə cəlb edilmişlər.
"Nefteqaz", "Om", "Zülfü Hacıyev", "Vaqif Cəfərov" 100 tonluq kran gəmiləri və "Kür" yedək gəmisinin təmiri başa çatmışdır. Yükdaşıma sahəsində də XDND-nin gəmiləri yüksək göstəricilər əldə etmişlər. Ötən il bu sahədə tapşırığa 114,8 faiz əməl edilmişdir.
Donanmanın gəmilərində bu cür yüksək səviyyəli əsaslı təmir işlərinin aparılması Xəzər dənizində xarici şirkətlərlə birlikdə həyata keçirilən genişmiqyaslı kəşfiyyat və qazma işləri ilə bağlıdır.{nl}