Makroiqtisadi proqnozlara görə, 2011-ci ildə Azərbaycanın xarici iqtisadi mövqeyi güclənəcəkdir.
Mərkəzi Bankdan bildirmişlər ki, qlobal iqtisadi artım şəraitində bu il əsas ixrac məhsullarının qiymətlərinin əlverişli qalacağı, neft gəlirlərinin artacağı, xaricdən ölkəyə maliyyə-investisiya axınının güclənəcəyi gözlənilir. Tədiyyə balansının cari hesabında profisitin qalacağı, strateji valyuta ehtiyatlarının artacağı proqnozlaşdırılır. Ölkənin kredit reytinqinin yüksəlməsi iqtisadiyyata xarici kapital axınının artması üçün əlverişli şərait yaradacaqdır.
Ölkənin sosial-iqtisadi inkişaf proqnozlarına uyğun olaraq neft sektorunun sabitləşməsi şəraitində iqtisadi artımın əsasən qeyri-neft sektoru hesabına olacağı gözlənilir.
Dövlət xərclərinin və özəl tələbin təkrəqəmli sürətlə artması, qeyri-xammal ixracının tədrici genişlənməsi qeyri-neft sektorunda artım templərini formalaşdıran başlıca amillərdir. Belə bir şəraitdə isə cari ildə ümumi daxili məhsulun potensialı ilə faktiki səviyyəsi arasındakı fərqin azalacağı gözlənilir.{nl}

AzərTAc