Quba şəhərində Mərkəzi Bankın təşəbbüsü ilə "Nağd pul tədavülünün təşkili və pul nişanlarının saxtalaşdırılmasına qarşı mübarizə" mövzusunda regional seminar keçirilmişdir.
Seminarda şimal regionunda yerləşən bank filiallarının rəhbərləri və hüquq-mühafizə orqanlarının nümayəndələri iştirak etmişlər.
Tədbirdə Mərkəzi Bankın baş direktoru Aqşin Vəliyev, eləcə də ölkənin aparıcı banklarının nümayəndələri çıxış etmişlər.
Seminar zamanı Mərkəzi Bank tərəfindən nağd pul tədavülünün təşkili, bu sahədə islahatlar, nağd pulun regional idarəetmə sistemlərinin təkmilləşdirilməsi, müasir dövrdə saxtakarlıq problemləri və saxta pul çapına qarşı mübarizənin gücləndirilməsi, pul nişanlarının mühafizə elementləri və ekspertizası, banklarda nağd pulun idarə edilməsi və bununla əlaqədar yaranan risklərin tənzimlənməsi və s. mövzularda təqdimatlar, məruzələr dinlənilmişdir.
Tədbirdə, həmçinin saxta pul çapına qarşı mübarizədə hüquq-mühafizə orqanları ilə əməkdaşlıq, "bank-əhali" əlaqələrinin gücləndirilməsi və bu istiqamətdə təşəbbüslərin artırılmasıyla bağlı fikir mübadiləsi aparılmış, pul nişanları ilə davranış mədəniyyətinin yüksəldilməsi, əhalinin maarifləndirilməsi və digər mövzular da əhatə olunmuşdur.{nl}

AzərTAc