"Neftin hasilatının azaldılmasına dair anlaşma qüvvəyə mindikdən sonra bazar müəyyən qədər balanslaşıb".

"APA-Economics" xəbər verir ki, bunu "Bloomberg" telekanalına müsahibəsində BP şirkətinin baş icraçı direktoru Robert Dadli bildirib.

Onun proqnozuna əsasən, bu il neftin 1 barrelinin orta qiyməti 55 dollar təşkil edəcək.

R. Dadli əlavə edib ki, OPEC üzvləri və kartelə üzv olmayan ölkələr hasilatın azaldılmasına dair əldə olunan razılaşmaya sadiqdir və üzərinə düşən öhdəlikləri yerinə yetirəcəklər: "Buna görə, BP hesab edir ki, bazar balanslaşıb və ciddi planlar barədə düşünmək olar. Lakin biz vəsaitləri intizamlı şəkildə xərcləyəcəyik".