Azərbaycan iri infrastruktur layihələrin həyata keçirilməsində Koreya Respublikası ilə əməkdaşlığa hazırdır.
AzərTAc Euronewsa istinadla xəbər verir ki, bu sözləri Azərbaycanın xarici işlər naziri Elmar Məmmədyarov Seula ikigünlük səfəri zamanı "Renhap" agentliyinə müsahibəsində səsləndirmişdir.
E.Məmmədyarov demişdir: "Azərbaycan təkcə enerji sektoruna deyil, həm də infrastruktur layihələrə, o cümlədən avtomagistralların, dəmir yollarının tikintisinə, informasiya texnologiyalarının inkişafına, habelə aqrar sahəyə irimiqyaslı sərmayələr yatırmağı planlaşdırır".
Nazir demişdir: "Biz Koreyanın iri konsernləri ilə yanaşı, kiçik və orta şirkətləri ilə də əməkdaşlığa hazırıq".
Nazir həmçinin, ticari-iqtisadi tərəfdaşlıq məsələlərinə dair Bakı-Seul dialoqunun səviyyəsini yüksəltməyi təklif etmişdir.{nl}