Dekabrın 9-da Azərbaycan Diplomatik Akademiyasında Beynəlxalq Valyuta Fondu (BVF) Qafqaz və Orta Asiya üzrə (QMA) 2010-cu ilin oktyabr tarixli Regional İqtisadi Perspektivlər hesabatının təqdimat mərasimi keçirilmişdir.
BFV-nin Yaxın Şərq və Mərkəzi Asiya üzrə iqtisadçısı Niklas Vestelius bütün QMA ölkələrində maliyyə stimulları və münbit xarici şərait sayəsində iqtisadi artımın müşahidə olunduğunu, bu artımın Rusiya və neft-qazla zəngin olan digər ölkələrdə daha qabarıq duyulduğunu bildirmişdir. Qeyd edilmişdir ki, iqtisadi artımın daha da sürətlənməsi üçün maliyyə sektorunda tövsiyə olunan addımlar mövcuddur. Natiq inkişafın təmin edilməsi, yoxsulluğun aşağı salınması, davamlı fiskal siyasətin aparılmasına dair beynəlxalq təcrübələr barədə də danışmışdır.
Akademiyada BVF-nun fəaliyyətinə dair məlumatlar da verilmişdir.
AzərTAc