Xəzərin Azərbaycan sektorunda yerləşən "Azəri, Çıraq və Günəşli" (AÇG) yataqlar blokundan işləmənin əvvəlindən indiyədək ümumilikdə 404,1 milyon ton neft hasil edilib.

“APA Economics” xəbər verir ki, bu barədə Azərbaycan Dövlət Neft Şirkətinin (SOCAR) I vitse-prezidenti Xoşbəxt Yusifzadə məlumat verib.

 X. Yusifzadə bildirib ki, ümumilikdə AÇG-dən 123 milyard kubmetr təbii qaz edilib: “Bu müddət ərzində aylıq 2,8 milyon ton neft 1,1 milyard kubmetr təbii qaz istehsal olunub”.

Bu həcmin 224 milyon tonu Azərbaycanın payına düşən mənfəət neftidir: “Mənfəət neftinin həcmi ilbəil artır. Bu il Azərbaycanın payına düşən mənfəət neftinin həcmi 60%-ə çatacaq".

SOCAR rəsmisi qeyd edib ki, indiyədək Bakı-Tbilisi-Ceyhan boru kəməri ilə 300 milyon ton neft nəql edilib.