Beynəlxalq Maliyyə Korporasiyası Azərbaycan Hökumətinə ipoteka haqqında qanuna dəyişikliklər etməklə əmlaka tutma yönəlməsi prosesini mühüm dərəcədə təkmilləşdirməyə kömək edir. Bu iş Azərbaycan Respublikası Mərkəzi Bankı (AMB) ilə birgə həyata keçirilir.
İpoteka predmetinə tutma yönəldilməsinə dair düzgün və səmərəli qanunvericilik ipoteka bazarının inkişafı üçün çox vacibdir. Bu cür qanunvericilik bankların və borcalanların maraqları arasında tarazlığı təmin edə bildikdə faydalı olur. İFC Bakıda maraqlı tərəflərlə qanunvericilikdə tələb olunan dəyişiklikləri və qabaqcıl beynəlxalq təcrübələri müzakirə etmək üçün bu mövzuya həsr olunmuş birgünlük seminar da keçirmişdir. Seminar zamanı qabaqcıl beynəlxalq təcrübələrə istinad edilərək Azərbaycanın ipoteka əmlakına dair tutma yönəldilməsi qanunvericiliyini daha səmərəli etmək üçün hansı istiqamətdə irəliləməli olacağı göstərilmiş və bununla bağlı görülməli olan tədbirlərə dair praktiki tövsiyələr verilmişdir.
AzərTAc