Dünya bazarında "qara qızıl"ın qiyməti  yenidən bahalaşıb.

 Londonun "İCE" birjasının verdiyi məlumata görə, "Brent" markalı neftin qiyməti 3 faiz artaraq əvvəlcə bir barreli 51, sonra 51,07 və 50,70 dollar olub. Nyu-York Əmtəə birjasının (NYMEX ) verdiyi məlumata görə, Texas sortu adlandırılan ABŞ-ın "WTI" markalı neftinin qiyməti 4 faiz artaraq bir barreli əvvəlcə  50, sonra isə 49,70   dollar olub."Reuters"in verdiyi məlumata görə, ABŞ Enerji Agentliyi ölkədə neft ehtiyatlarının 4,1 milyon barrel azaldığını elan etdikdən sonra dünya bazarında neftin qiyməti artıb.

Qeyd edək ki, ötən həftə Böyük Britaniyada keçirilən referendumdan sonra dünya bazarında neftin qiyməti kəskin şəkildə aşağı düşmüşdü.

Qəzənfər  QASIMOV,
"Xalq  qəzeti"