ABŞ Yaxın Şərq və Azərbaycan da daxil olmaqla Xəzər regionundakı tərəfdaşları ilə əməkdaşlığı genişləndirmək hesabına Avropa üçün yeni təbii qaz mənbələrinin təmin edilməsi istiqamətində iş görür. Bu sözləri ABŞ-ın dövlət katibi Hillari Klinton ABŞ-Avropa İttifaqı Şurasının noyabrın 19-da Portuqaliyanın Lissabon şəhərində keçirilmiş iclasında söyləmişdir.
XXI əsrdə ABŞ-Aİ dialoqunda enerji məsələsinin vacib yer tutduğunu deyən dövlət katibi qeyd etmişdir ki, "Cənub dəhlizi" layihəsi Avropa bazarlarının şaxələndirilmiş təbii qaz təchizatının təmin olunmasına, eləcə də Avropanın enerji təhlükəsizliyinin gücləndirilməsinə öz töhfəsini verəcəkdir.
Daha sonra H.Klinton bildirmişdir ki, bu il iyunun 7-də İstanbulda Azərbaycan ilə Türkiyə arasında təbii qazın satışı və nəqlinə dair sənədlərin imzalanması Xəzər qazının Avropa bazarlarına çatdırılması istiqamətində təchizatçı və tranzit ölkələrə danışıqların aparılmasında yeni imkan yaratmışdır.
AzərTAc{nl}