Noyabrın 18-də Azərbaycan Respublikasının Prezidenti yanında Strateji Araşdırmalar Mərkəzi (SAM) və Trans-Xəzər siyasi platformasının birgə təşkilatçılığı ilə "Xəzər enerjisinin Avropa istiqaməti" mövzusunda "dəyirmi masa" keçirilmişdir.
Tədbirdə Rumıniyanın Xarici İşlər Nazirliyinin enerji təhlükəsizliyi məsələləri üzrə xüsusi nümayəndəsi, səfir Mihnea Konstantinesku, Avropa İttifaqının Azərbaycandakı nümayəndəliyinin rəhbəri, səfir Roland Kobia, "Avropa Təhlükəsizliyi" jurnalının baş redaktoru və Atlantik Şurasının Enerji və Ətraf Mühit Proqramının direktoru Kevin Rozner, "Shell" kompaniyasının Orta Asiya regionu üzrə sabiq icraçı direktoru Neyl Karmişel, bp şirkətinin Xəzər Qaz Marketinq İdarəsinin meneceri Breyn Hanter və Beynəlxalq Enerji Agentliyinin qlobal enerji dialoqunun Xəzər-Qara dəniz regionları üzrə rəhbərliyinin proqram meneceri Tim Quld iştirak etmişlər.
Tədbirdə Azərbaycanın Avropanın enerji təhlükəsizliyi sistemində oynadığı rol, həll olunmamış münaqişələrin qlobal təhlükəsizliyə təsiri məsələləri, Xəzər-Cənubi Qafqaz regionunun müasir geosiyasəti, regional əməkdaşlıq məsələləri, ölkəyə yeni sərmayələrin cəlb olunması, işgüzar əməkdaşlığın möhkəmləndirilməsi və digər məsələlər ətrafında geniş müzakirələr aparılmışdır.
Tədbirdə bir sıra mövzularda, o cümlədən "Müdrik əməkdaşlıqda fərasətli investisiyaların zamanı", "Avropa İttifaqının enerji təhlükəsizliyi", "Enerji təchizatının təhlükəsizlik yönünün hesablanması: Avropa-Xəzər enerji vəsiləsini necə funksional və etibarlı etmək olar" mövzularında məruzələr dinlənilmişdir.{nl}

AzərTAc