Azərbaycan Respublikasının Mərkəzi Bankı yanında Maliyyə Monitorinqi Xidməti Dünya Bankı, Beynəlxalq Valyuta Fondu, BMT-nin Narkotiklər və Cinayət İdarəsi ilə birgə "Pulların yuyulmasına və terrorçuluğun maliyyələşdirilməsinə qarşı mübarizə sahəsində əməkdaşlığın aktual məsələləri" mövzusunda beynəlxalq seminar keçirir.
Beynəlxalq seminarda Azərbaycanın hüquq-mühafizə orqanlarının, Maliyyə Monitorinqi Xidmətinin və digər müvafiq dövlət qurumlarının əməkdaşları ilə yanaşı, Pakistanın müxtəlif dövlət orqanlarının nümayəndələri də iştirak edirlər.
Peşəkar beynəlxalq ekspertlər tərəfindən aparılan seminar praktiki xarakter daşıyır.
Maliyyə Monitorinqi Xidməti son bir il ərzində pulların yuyulmasına və terrorizmin maliyyələşdirilməsinə qarşı mübarizə mövzusunda 45, o cümlədən beynəlxalq ekspertlərin iştirakı ilə 9 təlim və seminar keçirmişdir. Bu təlim və seminarlarda 2700 nəfərdən çox yerli mütəxəssis iştirak etmişdir.
AzərTAc{nl}