Londonun “İCE” birjasının verdiyi məlumata görə, “Brent” markalı neftin qiyməti 6 faiz aşağı düşərək  33,98 dollar olub. Nyu-York Əmtəə Birjasının verdiyi məlumata görə, Texas sortu adlandırılan ABŞ-ın “WTI” markalı neftinin qiyməti 6,42 faiz aşağı düşərək bir barreli 31,46 dollar olub.

Qeyd edək ki, Rusiya OPEK-ə üzv dövlətlərlə neftin qiymətinin tənzimlənməsi barədə danışıqlar aparmaq istəyərkən neftin qiymətində 9 faiz artım baş verdi. Lakin OPEK-ə üzv ölkələr danışıqlar aparmaqdan imtina etdilər.

“Reuters”in verdiyi məlumata görə, Rusiyanın energetika naziri Aleksandr Novak  bu yaxınlarda Venesuelanın neft və dağ-mədən sənayesi naziri Euloxio Del Pino ilə görüşüb. Görüşdə dünya neft bazarında baş verənlər və OPEK-ə üzv və üzv olmayan dövlətlərin danışıqlarının keçirilməsi müzakirə edilib.

“Reuters” qeyd edir ki, Rusiya və Venesuela OPEK-lə danışıqlar aparmaq istəsə də, OPEK-ə üzv ölkələr bu məsələyə soyuq yanaşırlar.

Qəzənfər  QASIMOV,
“Xalq  qəzeti”