Gələn ilin mart ayında Qahirədə Azərbaycan-Misir iqtisadi, elmi və mədəni əməkdaşlığına dair hökumətlərarası komissiyanın dördüncü iclası keçiriləcəkdir.
İclasda əsasən ticarət dövriyyəsinin və investisiya imkanlarının artırılması məsələləri müzakirə ediləcəkdir. Komissiya əməkdaşlığın inkişafı və əvvəlki iclaslarda imzalanmış sazişlərin həyata keçirilməsi sahəsində görülmüş işlərin nəticələri ilə tanış olacaqdır.
İclasda həmçinin səhiyyə, mülki aviasiya, informasiya texnologiyaları, tikinti, neft-qaz və telekommunikasiya sahələrində Azərbaycan-Misir əməkdaşlığının inkişaf perspektivləri müzakirə ediləcəkdir.
AzərTAc