Azərbaycanın xarici işlər naziri Elmar Məmmədyarov İstanbulda keçirilən Əfqanıstan üzrə IV Regional İqtisadi Əməkdaşlıq Konfransında iştirak etmişdir.
Konfransın açılışından əvvəl Elmar Məmmədyarov türkiyəli həmkarı Əhməd Davudoğlu ilə görüşmüşdür. Görüşdə Ermənistan-Azərbaycan, Dağlıq Qarabağ probleminin nizama salınması, Türkiyə və Azərbaycanın beynəlxalq və regional əməkdaşlıq məsələləri müzakirə olunmuşdur.
Elmar Məmmədyarov konfransdakı çıxışında Azərbaycanın Əfqanıstandakı antiterror koalisiyasında fəal iştirakı, ölkəmizin regionda sülhün və təhlükəsizliyin bərqərar olunması istiqamətində səylərindən bəhs etmişdir.
Türkiyəninn və Əfqanıstaının xarici işlər nazirləri Əhməd Davudoğlu və Zalmay Rəsul Əfqanıstanda problemlərin həllinin zəruriliyini vurğulamış, bu məsələdə görülən tədbirlərdən danışmışlar.
Konfransda Əfqanıstana yardımların artırılmasının zəruriliyi vurğulanmışdır.

Oqtay BAYRAMOV AzərTAc-ın xüsusi müxbiri
İstanbul