Yaponiyanın "Nomura" Maliyyə Holdinqinin təhlilçiləri bildiriblər ki, son on gündə "Brent" markalı neftin bir barrelinin qiyməti 30 dollara edəcək. İsveçrənin "USB" Bankının mütəxəssisləri isə bildiriblər ki, neftin qiyməti daha da aşağı düşəcək.

Texas sortu adlanan ABŞ-ın "WTI" markalı neftinin bir barelinin də qiyməti aşağı düşərək 32 dollar olub və 2003-cü ildəki minimuma enib. "Brent" və "WTI" markalı neftlərin bir bareli artıq dörd gündür ki, 33 dollardan aşağı satılır.

ABŞ-da isə neft ehtiyatı rekord həddə çatıb. Bu barədə Amerika Neft İnstitutu məlumat verib. Ekspertlərin bildirdiyinə görə, OPEK   2015 ci ildə neft hasilatını və ixracını azaltmadığından neftin qiyməti 30 faiz aşağı düşdü.

Londonun "İCE" birjasının verdiyi məlumata görə, "Brent" markalı neftin bir bareli günorta saatlarında 32,25, axşam isə 34,02 dollar olub. Nyu-Yorkun əmtəə birjasının verdiyi məlumata görə, "WTI" markalı neftin bir barreli 32 dollar olub.

Qəzənfər  QASIMOV, 
"Xalq  qəzeti"