ABŞ Mərkəzi Bankının dolların uçot dərəcəsini artırması ilə bağlı qərarı dünya neft bazarına da ciddi təsir edib.

Londonun "İCE" bir­jasının verdiyi məlumata görə, "Brent" markalı nef­tin bir barreli 3,4 faiz ucuz­laşaraq 37,15 dollar olub. Nyu-York əmtəə birjasının məlumatına görə, Texas sortu adlanan ABŞ-ın "WTI" markalı neftinin bir barreli 5,4 faiz ucuzlaşaraq 35,46 dollar olub.

RİA "Novosti"nin verdiyi məlumata görə, Rusiya Prezidentinin köməkçisi Andrey Belo­usov bildirib ki, uzun müddət dünya bazarında neftin qiyməti 40 dollardan aşağı olacaq.

Dolların uçot dərəcəsinin artmasından əvvəl isə "Brent" və "WTI" markalı neftlərin bir barre­linin qiyməti 35-37 dollara olduğu vaxt Meksi­kanın "Mexcan mix" neftinin bir barreli 73 faiz ucuzlaşaraq 27,74, Kanadanın "Canada Select" neftinin bir barreli 21,37, İraqın "Basrah Heavy" neftinin bir barreli isə 25 dollar idi. Venesuelanın "Venezuela Baskat", "Ecu­ador Orientl", Səudiyyə Ərəbistanının "Saudi Arab Heavy" neftlərinin bir barreli isə 30 dollar idi.

Ekspertlərin bildirdiyinə görə, ABŞ neftin ixracına qadağanı aradan qaldırıb. Bundan əlavə, yeni ildən İran İslam Respublikasının da öz neftini dünya bazarına çıxarması neftin qiymətinin daha da aşağı düşməsinə səbəb ola bilər.

Qəzənfər  QASIMOV,
"Xalq  qəzeti"