Azərbaycan Respublikası Xarici İşlər Nazirliyinin mətbuat xidmətindən bildirmişlər ki, oktyabrın 19-da nazir Elmar Məmmədyarov ABŞ-ın maliyyə katibinin müavini Stüart Livinin başçılıq etdiyi nümayəndə heyəti ilə görüşmüşdür.
Görüşdə Azərbaycan-ABŞ münasibətləri, ölkələrimiz arasında iqtisadi əməkdaşlığın inkişafı və regional məsələlər müzakirə olunmuşdur. Nazir E.Məmmədyarov regional inkişafa ən böyük təhlükənin həllini tapmamış Ermənistan-Azərbaycan, Dağlıq Qarabağ münaqişəsi və Azərbaycan torpaqlarının işğal altında saxlanması olduğunu qonağın diqqətinə çatdırmışdır.
Görüşdə qarşılıqlı maraq doğuran bir sıra məsələlər ətrafında fikir mübadiləsi aparılmışdır.{nl}