Mərkəzi Bankın sədri Elman Rüstəmov ABŞ-ın maliyyə katibinin müavini Stüart Livinin rəhbərlik etdiyi nümayəndə heyəti ilə görüşmüşdür.
Görüş zamanı çirkli pulların yuyulması və terrorçuluğun maliyyələşdirilməsinə qarşı mübarizə sahəsində Azərbaycanla ABŞ arasında əməkdaşlıq müzakirə edilmişdir.
E.Rüstəmov ölkəmizin ABŞ-la ikitərəfli münasibətlərinin intensiv inkişaf edən istiqamətlərindən birinin çirkli pulların yuyulması və terrorçuluğun maliyyələşdirilməsinə qarşı mübarizə olduğunu qeyd etmiş, bu səfərin münasibətlərin inkişafına müsbət təsir göstərəcəyini bildirmişdir.
S.Livi təmsil etdiyi qurumun Azərbaycan ilə, o cümlədən Mərkəzi Bankla əməkdaşlıqdan məmnun olduğunu demişdir: "Biz də son illər çirkli pulların yuyulması və terrorçuluğun maliyyələşdirilməsinə qarşı mübarizə sahəsində ikitərəfli əməkdaşlıq nəticəsində yaranmış əlaqələri müsbət qiymətləndiririk. Ümid edirəm ki, bizim münasibətlər gələcəkdə daha intensiv inkişaf edəcəkdir".
Görüşdə, həmçinin, Azərbaycan Mərkəzi Bankı ilə ABŞ Maliyyə Departamenti arasında əməkdaşlığın inkişaf perspektivləri də müzakirə edilmişdir.{nl}