Qlobal maliyyə böhranı şəraitində Azərbaycanda milli valyutanın - manatın məzənnəsi sabit qalmışdır.
Mərkəzi Bankın idarə heyətinin sədri Elman Rüstəmov bildirmişdir ki, qlobal maliyyə böhranı zamanı manatın sabitliyinin saxlanması üçün sərf olunan valyuta artıq geriyə alınmışdır. Cari il ərzində Mərkəzi Bank tərəfindən daxili bazardan 1 milyard ABŞ dolları alınmış və ilin sonunadək bu məbləğ daha da artacaqdır. O, Azərbaycanın ödəniş qabiliyyətinin yüksək olduğunu, strateji valyuta ehtiyatlarının məbləğinin artdığını, ölkəni fasiləsiz 3 il təmin edə biləcəyini bildirmiş, bank sisteminin dayanıqlılıq nümayiş etdirdiyini diqqətə çatdırmışdır.{nl}