Barak Obama Administrasiyası neftin ucuzlaşmasının ölkə iqtisadiyyatı üçün faydalı olduğunu açıqlamışdır.

APA-nın “Reuters”ə istinadən verdiyi məlumata görə, Ağ evin rəsmi nümayəndəsi Coş Ernest bildirmişdir ki, amerikalı istehlakçılar bu məsələdə uduşdadır. Belə ki, ölkədə benzin ucuzlaşmış, avtomobil satışı isə artmışdır. ABŞ-ın böyük hissəsində bir qallon (3,7 litr) benzinin qiyməti 2 dollardan aşağı düşmüşdür.

Daha öncə Nyu-York Federal Ehtiyat Bankının rəhbəri Uilyam Dadli də neftin qiymətinin aşağı düşməsinin ölkə iqtisadiyyatına müsbət təsir göstərəcəyini bəyan etmişdi. 

Qeyd edək ki, hazırda Brent markalı neftin qiyməti 53 dollardır.